ਮੂੜ੍ਹ-ਚਿੱਤਤਾ (ਡਮੈਂਸ਼ੀਆ) ਵਾਸਤੇ ਡਿਜ਼ਾਈਨ ਕਰਨਾ (Punjabi)

ਸਾਰੇ ਵਿਕਟੋਰੀਆ ਵਿੱਚ, 100,000 ਲੋਕ ਮੂੜ੍ਹ-ਚਿੱਤਤਾ (ਡਮੈਂਸ਼ੀਆ) ਦੇ ਨਾਲ ਜੀਵਨ ਬਸਰ ਕਰ ਰਹੇ ਹਨ – ਅਤੇ ਅਗਲੇ 20 ਸਾਲਾਂ ਵਿੱਚ ਇਹ ਗਿਣਤੀ ਲਗਭਗ ਦੁੱਗਣੀ ਹੋਣ ਦੀ ਭਵਿੱਖਬਾਣੀ ਕੀਤੀ ਗਈ ਹੈ।

ਜਨਤਕ ਖੇਤਰ ਦੀਆਂ ਰਿਹਾਇਸ਼ੀ ਬਜ਼ੁਰਗਾਂ ਲਈ ਸੰਭਾਲ ਸੇਵਾਵਾਂ ਉਹਨਾਂ ਲੋਕਾਂ ਦੀ ਸਹਾਇਤਾ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀਆਂ ਹਨ ਜੋ:

• ਗੁੰਝਲਦਾਰ ਸਹਾਇਤਾ ਲੋੜਾਂ ਵਾਲੇ ਹਨ
• ਸਮਾਜਕ-ਆਰਥਿਕ ਗਰੀਬੀ ਦਾ ਸਾਹਮਣਾ ਕਰ ਰਹੇ ਹਨ
• ਓਥੇ ਰਹਿੰਦੇ ਹਨ ਜਿੱਥੇ ਹੋਰ ਕੋਈ ਵਿਕਲਪ ਨਹੀਂ ਹਨ।

ਇਹ ਸੇਵਾਵਾਂ ਵਸਨੀਕਾਂ ਦੀ ਸੁਤੰਤਰਤਾ, ਚੋਣ ਅਤੇ ਇੱਜ਼ਤ-ਮਾਣ ਨੂੰ ਉਤਸ਼ਾਹਤ ਕਰਨ ਦਾ ਟੀਚਾ ਰੱਖਦੀਆਂ ਹਨ ਤਾਂ ਜੋ ਉਹਨਾਂ ਦੀ ਸਿਹਤ, ਤੰਦਰੁਸਤੀ ਅਤੇ ਜੀਵਨ ਦੀ ਗੁਣਵੱਤਾ ਵਿੱਚ ਸਹਾਇਤਾ ਕੀਤੀ ਜਾ ਸਕੇ।

ਸਾਰੀਆਂ ਰਿਹਾਇਸ਼ੀ ਬਜ਼ੁਰਗਾਂ ਦੀ ਸੰਭਾਲ ਸੁਵਿਧਾਵਾਂ ਵਿੱਚ ਰਹਿ ਰਹੇ ਵਸਨੀਕਾਂ ਦਾ 52 ਪ੍ਰਤੀਸ਼ਤ ਹਿੱਸਾ ਮੂੜ੍ਹ-ਚਿੱਤਤਾ (ਡਮੈਂਸ਼ੀਆ) ਨਾਲ ਜੀਵਨ ਬਸਰ ਕਰ ਰਹੇ ਲੋਕ ਹਨ। ਜਨਤਕ ਖੇਤਰ ਦੀਆਂ ਰਿਹਾਇਸ਼ੀ ਬਜ਼ੁਰਗਾਂ ਦੀ ਦੇਖਭਾਲ ਸੇਵਾਵਾਂ ਵਿੱਚ ਇਹ ਗਿਣਤੀ ਹੋਰ ਵੀ ਜ਼ਿਆਦਾ ਹੈ।

ਮੂੜ੍ਹ-ਚਿੱਤਤਾ (ਡਮੈਂਸ਼ੀਆ)-ਅਨੁਕੂਲ ਵਾਤਾਵਰਣਾਂ ਨੂੰ ਸਹਾਇਤਾ ਵਾਲੇ, ਜਾਣੇ-ਪਛਾਣੇ, ਮਤਲਬ-ਭਰਪੂਰ ਅਤੇ ਸੁਰੱਖਿਅਤ ਆਲੇ-ਦੁਆਲੇ ਦੀ ਸਿਰਜਣਾ ਕਰਕੇ ਲੋਕਾਂ ਦੀ ਸੁਤੰਤਰਤਾ ਅਤੇ ਸ਼ਮੂਲੀਅਤ ਨੂੰ ਵੱਧ ਤੋਂ ਵੱਧ ਕਰਨ ਲਈ ਵਿਉਂਤਿਆ ਗਿਆ ਹੈ। 

ਮੂੜ੍ਹ-ਚਿੱਤਤਾ (ਡਮੈਂਸ਼ੀਆ)-ਅਨੁਕੂਲ ਡਿਜ਼ਾਈਨ ਉਹਨਾਂ ਲੋਕਾਂ ਦਾ ਸਮਰਥਨ ਕਰਦਾ ਹੈ ਜਿੰਨ੍ਹਾਂ ਦੀ ਗਤੀਸ਼ੀਲਤਾ ਘੱਟ ਗਈ ਹੈ, ਸੰਵੇਦੀ ਹਾਨੀਆਂ ਅਤੇ ਕਈ ਕਿਸਮ ਦੀਆਂ ਗੁੰਝਲਦਾਰ ਸਿਹਤ ਸਮੱਸਿਆਵਾਂ ਹਨ। 

ਡਿਜ਼ਾਈਨ ਭੌਤਿਕ ਅਤੇ ਸਮਾਜਿਕ ਮਾਹੌਲ ਦੋਵਾਂ ਨੂੰ ਧਿਆਨ ਨਾਲ ਵਿਚਾਰਦਾ ਹੈ। ਇਹ ਲੋਕਾਂ ਦੀਆਂ ਨਿਵੇਕਲੀਆਂ ਲੋੜਾਂ ਅਤੇ ਯੋਗਤਾਵਾਂ 'ਤੇ ਝਾਤ ਪਾਉਂਦਾ ਹੈ, ਅਤੇ ਇਹ ਵੀ ਕਿ ਕਿਵੇਂ ਉਹ ਜਾਣ-ਪਛਾਣ ਅਤੇ ਸਬੰਧਾਂ ਰਾਹੀਂ ਮਕਸਦ ਦੀ ਭਾਵਨਾ ਨੂੰ ਬਣਾਈ ਰੱਖਦੇ ਹਨ। 

ਘਰ ਵਰਗਾ ਮਾਹੌਲ ਮੂੜ੍ਹ-ਚਿੱਤਤਾ (ਡਮੈਂਸ਼ੀਆ)-ਅਨੁਕੂਲ ਡਿਜ਼ਾਈਨ ਦੀ ਕੁੰਜੀ ਹੈ। ਇਹ ਮਾਹੌਲ ਜਾਣ-ਪਛਾਣ ਅਤੇ ਆਰਾਮ ਨਾਲ ਚੋਣ ਕਰਨ ਅਤੇ ਸੁਤੰਤਰਤਾ ਪ੍ਰਦਾਨ ਕਰਦੇ ਹਨ। 

ਬਜ਼ੁਰਗਾਂ ਲਈ ਸੰਭਾਲ ਸੁਵਿਧਾ ਦਾ ਨਿਰਮਾਣ ਕਰਦੇ ਸਮੇਂ, ਘਰ ਵਰਗੇ ਮਾਹੌਲ ਦੀ ਸਿਰਜਣਾ ਕਰਨ ਲਈ ਰਣਨੀਤੀਆਂ ਨੂੰ ਡਿਜ਼ਾਈਨ ਕਰੋ, ਇਹਨਾਂ ਵਿੱਚ ਸ਼ਾਮਲ ਹਨ: 

• ਛੋਟਾ ਜਿਹਾ ਘਰੇਲੂ ਮਾਡਲ 
• ਨਿੱਜੀ ਸੌਣ ਵਾਲੇ ਕਮਰੇ ਜਿੰਨ੍ਹਾਂ ਨੂੰ ਆਪਣੇ ਤਰੀਕੇ ਨਾਲ ਬਣਾਇਆ ਜਾ ਸਕਦਾ ਹੈ 
• ਬਾਹਰੀ ਖੇਤਰਾਂ ਤੱਕ ਆਸਾਨ ਪਹੁੰਚ 
• ਕਈ ਕਿਸਮ ਦੇ ਸਾਂਝੇ ਖੇਤਰ। 

ਰਿਚਰਡ ਬਲਾਈਟ ਬਲਾਈਟ, ਬਲਾਈਟ ਐਂਡ ਬਲਾਈਟ ਵਿਖੇ ਇੱਕ ਨਿਰਦੇਸ਼ਕ ਹੈ – ਜੋ ਕਿ ਆਰਕੀਟੈਕਚਰ ਕੰਪਨੀ ਹੈ ਜਿਸ ਨੇ ਕਰੈਸਵਿਕ ਨਰਸਿੰਗ ਹੋਮ ਵਿਖੇ 3.2 ਮਿਲੀਅਨ ਡਾਲਰ ਦੀ ਮੂੜ੍ਹ-ਚਿੱਤਤਾ (ਡਮੈਂਸ਼ੀਆ)-ਅਨੁਕੂਲ ਯੂਨਿਟ ਨੂੰ ਡਿਜ਼ਾਈਨ ਕੀਤਾ ਸੀ। ਰਿਚਰਡ ਸਮਝਾਉਂਦਾ ਹੈ ਕਿ ਉਹਨਾਂ ਦੀ ਟੀਮ ਵਸਨੀਕਾਂ ਨਾਲ ਇਹ ਸਥਾਪਤ ਕਰਨ ਲਈ ਕਿਵੇਂ ਆਹਰੇ ਲੱਗਦੀ ਹੈ ਕਿ ਉਹਨਾਂ ਵਾਸਤੇ ਘਰ ਦਾ ਕੀ ਮਤਲਬ ਹੈ। 

ਛੋਟਾ ਘਰੇਲੂ ਮਾਡਲ 

ਸੇਂਟ ਜਾਰਜਜ਼ ਹਾਸਪੀਟਲ ਦੀ ਬਜ਼ੁਰਗਾਂ ਲਈ ਸੰਭਾਲ ਸੁਵਿਧਾ (ਬੇਰੇਂਗਾਰਾ) 55.57 ਮਿਲੀਅਨ ਡਾਲਰ ਨਾਲ ਦੋ ਵੱਖ-ਵੱਖ ਤਿੰਨ-ਮੰਜ਼ਿਲਾ ਮਕਾਨਾਂ ਵਿੱਚ 90-ਬਿਸਤਰਿਆਂ ਤੋਂ ਮਿਲ ਕੇ ਬਣੀ ਹੈ, ਜਿਸ ਵਿੱਚ ਉੱਚੀਆਂ ਛੱਤਾਂ ਅਤੇ ਇੱਟਾਂ ਦਾ ਕੰਮ ਹੈ ਤਾਂ ਜੋ ਘਰ ਵਰਗਾ ਅਹਿਸਾਸ ਪੈਦਾ ਕੀਤਾ ਜਾ ਸਕੇ। ਹਰੇਕ ਮੰਜ਼ਿਲ ਨੂੰ ਛੋਟੇ ਘਰਾਂ ਵਿੱਚ ਵੰਡਿਆ ਜਾਂਦਾ ਹੈ, ਜੋ ਜਾਣੇ-ਪਛਾਣੇ ਮਾਹੌਲ ਦੀ ਸਿਰਜਣਾ ਕਰਦਾ ਹੈ ਜਿਸ ਵਿੱਚ ਤੁਰਨਾ-ਫਿਰਨਾ ਵਧੇਰੇ ਆਸਾਨ ਹੁੰਦਾ ਹੈ। ਮੁੱਖ ਸੁਵਿਧਾਵਾਂ ਜਿਵੇਂ ਕਿ ਖਾਣੇ ਅਤੇ ਬੈਠਕਾਂ ਵਾਲੇ ਖੇਤਰ ਨੇੜੇ-ਤੇੜੇ ਹਨ – ਉਹਨਾਂ ਲੋਕਾਂ ਦੀ ਵੀ ਮਦਦ ਕਰਦੇ ਹਨ ਜੋ ਕਮਜ਼ੋਰੀ ਕਰਕੇ ਲੰਬੀ ਦੂਰੀ ਦੀ ਯਾਤਰਾ ਨਹੀਂ ਕਰ ਸਕਦੇ। 

ਨਿੱਜੀ ਸੌਣ ਵਾਲੇ ਕਮਰੇ 

ਵਿਅਕਤੀਗਤ ਸੌਣ ਵਾਲੇ ਕਮਰੇ ਅਤੇ ਗੁਸਲਖਾਨੇ ਬਜ਼ੁਰਗਾਂ ਦੀ ਸੰਭਾਲ ਵਿਚਲੇ ਵਸਨੀਕਾਂ ਨੂੰ ਇੱਜ਼ਤ-ਮਾਣ ਅਤੇ ਸੁਤੰਤਰਤਾ ਪ੍ਰਦਾਨ ਕਰਵਾਉਂਦੇ ਹਨ। ਈਡਨਹੋਪ ਅਤੇ ਡਿਸਟ੍ਰਿਕਟ ਮੈਮੋਰੀਅਲ ਹਸਪਤਾਲ ਦੇ 6.3 ਮਿਲੀਅਨ ਡਾਲਰ ਦੇ ਪੁਨਰ-ਵਿਕਾਸ ਵਿੱਚ 18 ਨਿੱਜੀ ਕਮਰਿਆਂ ਅਤੇ ਨਾਲ ਲੱਗਦੇ ਗੁਸਲਖਾਨਿਆਂ ਦੀ ਉਸਾਰੀ ਸ਼ਾਮਲ ਸੀ। ਇਸ ਨੇ ਮੌਜ਼ੂਦਾ ਸਾਂਝੇ ਕਮਰਿਆਂ ਦੀ ਥਾਂ ਲੈ ਲਈ, ਜੋ ਵਸਨੀਕਾਂ ਨੂੰ ਪਰਦੇਦਾਰੀ ਪ੍ਰਦਾਨ ਕਰਵਾਉਣ ਦੇ ਯੋਗ ਬਣਾਉਂਦੇ ਹਨ। 

ਬਾਹਰੀ ਖੇਤਰਾਂ ਤੱਕ ਆਸਾਨ ਪਹੁੰਚ 

ਘਰ ਵਰਗੇ ਮਾਹੌਲ ਦੀ ਸਿਰਜਣਾ ਕਰਦੇ ਸਮੇਂ ਬਾਹਰੀ ਖੇਤਰਾਂ ਤੱਕ ਆਸਾਨ ਪਹੁੰਚ ਮਹੱਤਵਪੂਰਨ ਹੈ। ਇਹਨਾਂ ਖੇਤਰਾਂ ਨੂੰ ਸਵਾਗਤਮਈ, ਆਕਰਸ਼ਕ ਅਤੇ ਸੁਰੱਖਿਅਤ ਹੋਣ ਦੀ ਲੋੜ ਹੈ। 

ਕਰੈਸਵਿਕ ਨਰਸਿੰਗ ਹੋਮ ਵਿਖੇ ਮੂੜ੍ਹ-ਚਿੱਤਤਾ (ਡਮੈਂਸ਼ੀਆ)-ਅਨੁਕੂਲ ਯੂਨਿਟ ਵਿਖੇ, ਕਮਰਿਆਂ ਨੂੰ ਇੱਕ ਕੇਂਦਰੀ ਵਿਹੜੇ ਦੇ ਗਿਰਦ ਬਣਾਇਆ ਜਾਂਦਾ ਹੈ ਜਿਸ ਨੂੰ ਬਾਕੀ ਦੀ ਸੁਵਿਧਾ ਤੋਂ ਵੱਖਰਾ ਬੰਦ ਕੀਤਾ ਜਾ ਸਕਦਾ ਹੈ। ਇਹ ਵਸਨੀਕਾਂ ਨੂੰ ਸੁਤੰਤਰਤਾ ਨਾਲ ਅਤੇ ਸੁਰੱਖਿਅਤ ਤਰੀਕੇ ਨਾਲ ਘੁੰਮਣ-ਫਿਰਨ ਦੇ ਯੋਗ ਬਣਾਉਂਦਾ ਹੈ। ਬਾਹਰਵਾਰ ਬੈਠਣ ਦੇ ਦੋ ਖੇਤਰ ਵਸਨੀਕਾਂ ਨੂੰ ਘਰੋਂ ਬਾਹਰ ਸਮਾਂ ਬਤੀਤ ਕਰਨ ਲਈ ਉਤਸ਼ਾਹਤ ਕਰਦੇ ਹਨ, ਜਦਕਿ ਵੀਲ੍ਹਚੇਅਰ ਵਾਸਤੇ ਪਹੁੰਚਯੋਗ ਬਗੀਚੇ ਵਸਨੀਕਾਂ ਨੂੰ ਬਗੀਚੇ ਵਿੱਚ ਆਉਣ ਦੇ ਯੋਗ ਬਣਾਉਂਦੇ ਹਨ। 

ਬਾਹਰਵਾਰ ਜਗ੍ਹਾ ਵਸਨੀਕਾਂ ਨੂੰ ਚੋਣ ਪ੍ਰਦਾਨ ਕਰਵਾਉਂਦੀ ਹੈ। ਉਹ ਸਰਗਰਮੀ ਨਾਲ ਬਾਹਰੀ ਜਗ੍ਹਾ ਦਾ ਮਜ਼ਾ ਲੈ ਸਕਦੇ ਹਨ, ਜਾਂ ਬੱਸ ਆਪਣੇ ਆਪ ਨਾਲ ਸਮਾਂ ਬਤੀਤ ਕਰ ਸਕਦੇ ਹਨ। ਵਿਹੜੇ ਦੇ ਡਿਜ਼ਾਈਨ ਦਾ ਮਤਲਬ ਇਹ ਵੀ ਹੈ ਕਿ ਬਾਹਰੀ ਖੇਤਰ ਅੰਦਰ ਤੋਂ ਵਿਖਾਈ ਦਿੰਦੇ ਹਨ, ਜਿਸ ਨਾਲ ਕੁਦਰਤੀ ਵਾਤਾਵਰਣ ਨਾਲ ਸਬੰਧ ਦੀ ਭਾਵਨਾ ਵਿੱਚ ਵਾਧਾ ਹੁੰਦਾ ਹੈ। 

ਕਈ ਕਿਸਮ ਦੇ ਸਾਂਝੇ ਖੇਤਰ

ਕਈ ਕਿਸਮਾਂ ਦੇ ਸਾਂਝੇ ਖੇਤਰ ਵਸਨੀਕਾਂ ਵਾਸਤੇ ਚੋਣ ਅਤੇ ਜੀਵਨਸ਼ੈਲੀ ਦੇ ਵਿਕਲਪਾਂ ਨੂੰ ਸੁਵਿਧਾਜਨਕ ਬਣਾਉਂਦੇ ਹਨ। ਇਹ ਪਰਿਵਾਰ ਅਤੇ ਭਾਈਚਾਰੇ ਦੇ ਸੰਬੰਧਾਂ ਨੂੰ ਬਣਾਈ ਰੱਖਣ ਲਈ ਉਨ੍ਹਾਂ ਦਾ ਸਮਰਥਨ ਵੀ ਕਰਦਾ ਹੈ।

ਉਦਾਹਰਣ ਲਈ, ਇੱਕ ਵਾਰ ਜਦ 2022 ਵਿੱਚ 81.58 ਮਿਲੀਅਨ ਡਾਲਰ ਦੀ ਨਵੀਂ ਵੰਟਰਨਾ ਰਿਹਾਇਸ਼ੀ ਬਜ਼ੁਰਗਾਂ ਲਈ ਸੰਭਾਲ ਸੁਵਿਧਾ ਦੀ ਉਸਾਰੀ ਪੂਰੀ ਹੋ ਜਾਂਦੀ ਹੈ, ਤਾਂ ਸੁਵਿਧਾ ਵਿੱਚ ਬਹੁ-ਮਕਸਦੀ ਸਾਂਝੇ ਖੇਤਰ, ਅਤੇ ਨਾਲ ਹੀ ਨਾਲ ਇੱਕ ਭਾਈਚਾਰਕ ਕਮਰਾ, ਪਵਿੱਤਰ ਜਗ੍ਹਾ ਅਤੇ ਕੈਫੇ ਸ਼ਾਮਲ ਹੋਣਗੇ। ਇਹ ਵਸਨੀਕਾਂ ਨੂੰ ਵਧੇਰੇ ਵਿਕਲਪ ਦੇਵੇਗਾ, ਜਿੱਥੇ ਸਮਾਜੀਕਰਨ, ਗਤੀਵਿਧੀਆਂ ਜਾਂ ਇਕੱਲਿਆਂ ਸ਼ਾਂਤ ਸਮੇਂ ਵਾਸਤੇ ਖੇਤਰਾਂ ਤੱਕ ਪਹੁੰਚ ਹੋਵੇਗੀ।